इंफोसिस Q3 परिणाम: दिसंबर तिमाही झला नफा 7 टक्के घटला, ‘इतका’ नफा

कंपनी सोडून जाणाऱ्या कर्मचाऱ्यांची संख्या मोठी आहे. कंपनीने जारी केलेल्या आकडेवारीनुसार डिसेंबर तिमाहीत तिच्या कर्मचाऱ्यांची संख्या 6101 ने कमी झाली आहे.

infosys q3 results 106735900

मुंबई : आयटी क्षेत्रातील दिग्गज कंपनीने इन्फोसिसने 2023-24 या आर्थिक वर्षाच्या तिसऱ्या तिमाहीचे निकाल गुरूवारी 11 जानेवारी रोजी जाहीर केले आहेत. डिसेंबर तिमाहीत कंपनीच्या निव्वळ नफ्यात 7.3 टक्क्यांनी घट झाली आहे. या तिमाहीत इन्फोसिसला 6,106 कोटी रुपयांचा नफा झाला आहे. एका वर्षापूर्वी याच तिमाहीत कंपनीने 6,586 कोटी रुपयांचा निव्वळ नफा कमावला होता.
इन्फोसिस 11 जानेवारी रोजी नियामक फाइलिंगमध्ये म्हटले की, कंपनीच्या नफ्यात तिमाही आधारावर 1.7 टक्के घट झाली आहे. तर डिसेंबर तिमाहीत एकत्रित महसूल 1.3 टक्क्यांनी वाढून 38,821 कोटी रुपये झाला. गेल्या वर्षी याच कालावधीत महसूल 38,318 कोटी रुपये होता..
शेअर्स किरकोळ वाढीने बंद झाले

दरम्यान, कंपनी सोडून जाणाऱ्या कर्मचाऱ्यांची संख्या मोठी आहे. कंपनीने जारी केलेल्या आकडेवारीनुसार डिसेंबर तिमाहीत तिच्या कर्मचाऱ्यांची संख्या 6101 ने कमी झाली आहे. इन्फोसिसच्या कर्मचार्‍यांच्या संख्येत घट झालेली ही सलग चौथी तिमाही आहे. डिसेंबर तिमाहीअखेरीस 3,22,663 कर्मचारी होते. कर्मचार्‍यांचा प्रवेश किंवा राजीनामा दर देखील कमी होत गेला आणि 12.9 टक्क्यांवर आला. मागील तिमाहीतील हे प्रमाण 14.6 टक्क्यांपेक्षा कमी आहे. सप्टेंबरच्या तिमाहीत इन्फोसिसच्या कर्मचाऱ्यांची संख्या 7530 ने घटली होती आणि डिसेंबर 2022 च्या तिमाहीत 1627 ने वाढली होती.

इन्फोसिसच्या शेअर्समध्ये 11 जानेवारी रोजी 0.03 टक्क्यांची किंचित वाढ झाली. हा शेअर एनएसईवर 1,520.30 रुपयांवर बंद झाला. त्याचा 52 आठवड्यांचा उच्चांक 1,619.75 रुपये आहे आणि 52 आठवड्यांचा नीचांक 1,185.30 रुपये आहे. त्याच वेळी कंपनीचे मार्केट कॅप 6,20,491.91 कोटी रुपये झाले आहे. मात्र, बाजार बंद झाल्यानंतर कंपनीने निकाल जाहीर केले आहेत. अशा स्थितीत निकालाचा परिणाम शुक्रवारी बाजारावर दिसणे अपेक्षित आहे.

infosys

Leave a comment